Allegri ka dështuar ta rrisë vlerën e lojtarëve të Juventusit

Gjatë konferencës së tij për shtyp në Juventus vitin e kaluar, Massimiliano Allegri theksoi dëshirën e tij për të rritur vlerën e lojtarëve të tij, diçka që ai ka dështuar plotësisht për ta bërë, raporton Apollo Heyes.

Trajneri italian u shkarkua fillimisht nga Bianconerët në vitin 2019, duke u zëvendësuar nga Maurizio Sarri, i cili qëndroi vetëm një vit para se t’i hapte rrugë Andrea Pirlos. Pas dy vitesh konfuze, Juventusi zëvendësoi Pirlon në fund të sezonit të tij debutues dhe riktheu Allegrin, duke shpresuar të rizbulonte njëfarë stabiliteti.

Toskani ishte i lumtur që u kthye gjatë konferencës së tij për shtyp në korrik dhe i bëri të qarta qëllimet e tij, duke thënë: “Unë mendoj se objektivi i këtij ekipi është të shkojë deri në fund, të fitojë sa më shumë trofe të jetë e mundur dhe të përmirësojë këta lojtarë, kjo është arsyeja pse unë mora punën. Një trajner duhet të sjellë rezultatin dhe të krijojë vlera”.

Duket e drejtë të thuhet se Allegri e ka dështuar këtë objektiv dhe mesa duket ka bërë të kundërtën, duke ulur stokun e lojtarëve të Juventusit.

Presioni po vazhdon të rritet mbi trajnerin dhe është e vështirë të imagjinohet që ai të vazhdojë këtë sezon me Juventusin nëse gjërat nuk fillojnë të përmirësohen me shpejtësi. /Telegrafi/