Allegri: Juve duhet të jetë i vetëdijshëm për situatën ku gjendet

Massimiliano Allegri e ka paralajmëruar skuadrën për pozitën në të cilën gjendet, pas humbjes nga Monza në Allianz Stadium (2-0).

Pos 15 pikëve të hequra, Zonja e Vjetër ka pësuar dy humbje dhe një barazim duke rënë në pozitën e 13-të në renditjen tabelare.

“Nuk mendoj se ndonjëherë kemi zhvilluar një gjysmë të parë si kjo dhe duhet të reflektojmë në lidhje me këtë. Shkoi më mirë pas pushimit, por duhet ta pranojmë përgjegjësinë për paraqitjen e përgjithshme”.

“Në tri ndeshje kemi marrë një pikë, kemi pranuar 10 gola duke përfshirë disa shumë të lehtë, si sot (e diel). Ishim të plogësht dhe nuk reaguam as pas golit të parë që iu anulua, që ishte një paralajmërim”.

“Kemi bërë shumë gabime dhe nuk kemi pasur mentalitetin e duhur, por qëndrimi në pjesën e dytë ishte krejtësisht ndryshe. Çdo ndeshje është vendimtare, ne duhet të dalim nga kjo vorbull sa më shpejt të jetë e mundur”.

Lexo po ashtu Nuk këndellet Juventusi, mposhtet në shtëpi nga Monza

“Kemi një pikë nga tri xhiro dhe kjo nuk duhet të ndodhë. Ne ishim të pamposhtur në shtëpi deri më tani. Monza është një skuadër e mirë, por ne nuk mund t’i pranojmë dy gola kaq lehtë”.

“Duhet të jemi të vetëdijshëm për pozicionin që kemi në tabelë në këtë moment”, ka deklaruar Allegri për DAZN. /Telegrafi/