Alicia Keys i befason fansat, pas Grammyt publikon këngën e re

Pasi e udhëhoqi ceremoninë e sivjetme të Grammy Awards, Alicia Keys e ka publikuar këngën e re të titulluar “Raise a Man”, e cila flet për meshkujt e mirë dhe se të tillë duhet të ketë më shumë.

Këngëtarja amerikane këndon për një mashkull për të cilin ndihet sërish e pafajshme dhe për të ndihet e veçantë.

38-vjeçarja nuk ka sjellë materiale të reja muzikore që nga viti 2016, ndërsa projekti i ri ka ardhur si befasi për fansat e saj.

Keys ka qenë udhëheqëse e edicionit të 61-të të Grammy Awards, ceremoni në të cilët ka fituar plot 15 herë gjatë karrierës së saj.

Lexo po ashtu Lajmet për Alicia Keys

Theksojmë që “Fallin’” është një prej këngëve më të suksesshme të Alicia nga albumi i saj debutues, “Songs in A Minor”. Kënga u lansua më 2 prill të vitit 2001, ndërsa është shkruar dhe prodhuar nga vet këngëtarja.

Kjo baladë arriti sukses të madh global duke kryesuar në US Billboard Hot 100 dhe në shumë top-lista tjera botërore. Në ceremoninë e Grammy Awards të vitit 2002, u shpall kënga e vitit, kënga më e mirë R&B dhe vokali më i mirë femëror dhe incizimi i vitit.

Në jetën personale, këngëtarja është e martuar me Swizz Beatz, me të cilin i ka dy djem, Egypt tetëvjeçar dhe Genesis katërvjeçar. /Telegrafi/