Al-Khelaifi i përgjigjet Real Madridit për deklaratën e tij për Mbappen

Nasser Al-Khelaifi ka dhënë një intervistë për Gazzetta dello Sport në të cilën ka shqyrtuar situatën aktuale në Paris Saint-Germain.

Sigurisht ai iu referua deklaratës që Real Madridi lëshoi ​​fundjavën e kaluar në të cilën mohoi negociatat me Kylian Mbappe në lidhje me një nënshkrim të mundshëm të francezit në afatin kalimtar të verës së ardhshme.

“Nuk e pashë deklaratën për të qenë i sinqertë, ne fokusohemi te vetja, jo te të tjerët ”, ka thënë presidenti i PSG-së.

Lexo po ashtu Kylian Mbappe te Real Madridi? Klubi spanjoll vjen me një njoftim zyrtar

“E mira është se të gjithë në klub janë të fokusuar në futboll. Mendoj se ndonjëherë njerëzit bëhen imunë ndaj arritjeve të tij. Sa lojtarë kanë luajtur në dy finale të Kupës së Botës dhe a kanë shënuar një het-trik në njërin prej tyre?”.

“Siç thashë edhe më parë, Kylian është lojtari më i mirë në botë dhe është fantastike të shohësh se si ai e rrit PSG-në dhe gjithashtu kombëtaren franceze”.

“Për më tepër, ai është një ndikim shumë pozitiv për të gjithë lojtarët e rinj që kemi në PSG dhe kjo na ndihmon të ndërtojmë trashëgiminë tonë të së ardhmes”, përfundoi Al-Khelaifi. /Telegrafi/