Al Hilali me ofertë të parezistueshme prej 100 milionë eurosh për top yllin e Barcelonës

Barcelona mund të marrë një shumë të madhe parash nga klubi arab Al Hilal për shërbimet e sulmuesit brazilian Raphinha.

Raphinha është lidhur me një largim nga Barcelona gjatë muavje në vazhdim, si pjesë e ndryshimeve që do të bëhen tek blaugranasit në 2024.

27-vjeçari vazhdon të mbetet një lojtar mjaft i rëndësishëm për Barcelonën, por klubi mund të detyrohet të shesë të paktën një nga yjet e ekipit, për të balancuar situatën e tyre delikate financiare.

Krahas interesimit nga Liga Saudite, ofertat për Raphinhan nuk mungojnë as nga Liga Premier, raporton Diario Sport.

Lexo po ashtu Laporta me deklaratë goditëse ndaj Real Madridit: Ajo që ata po bëjnë është e neveritshme

Liga Saudite pritet që të bëjë edhe disa transferime të mëdha gjatë verës, dhe emri i brazilianit është lakuar si kandidat potencial për transferim.

Për ta bërë realitet transferimin e tij, drejtuesit e klubit nga Lindja e Mesme kanë shprehur gatishmërinë të paguajnë 100 milionë euro për kartonin e Raphinhas.

Së fundmi presidenti i Barcelonës, Joan Laporta, tha se ata nuk detyrohen që të bëjnë shitje të lojtarëve, megjithëse pritet të shihet gjatë verës se si do të rrjedhin gjërat./Telegrafi/