Al Hilal synon transferimin e yllit të Liverpoolit, The Reds kërkojnë 100 milionë euro

E ardhmja e Darwin Nunez mund të jetë larg Liverpoolit dhe sulmuesi uruguaian pritet të largohet në afatin kalimtar të janarit.

Sipas Anfield Watch , Al Hilal është duke kërkuar një lëvizje për sulmuesin e Liverpool, Darwin Nunez.

Al Hilal është i prirur të forcojë repartin e sulmit, veçanërisht pasi ata kërkojnë të largojnë yllin e tyre, Neymar.

Lexo po ashtu Ish-legjenda e Liverpoolit e poshtëron Nunezin pas paraqitjeve të tij të dobëta

Nunez, i cili ka qenë objektiv i shumë klubeve nga Arabita Saudite, tani është bërë objektivi kryesor i Al Hilal.

Menaxhmenti i Al Hilal, i udhëhequr nga trajneri Jorge Jesus, është veçanërisht i etur për të sjellë sulmuesin uruguaian në skuadër. Jesus, i cili më parë ka punuar me Nunez në Benfica, është një admirues i madh i uruguaianit.

Ndërkohë që Nunez ka pasur ulje ngritje në Liverpool, duke luftuar për të gjetur një formë të qëndrueshme, një lëvizje në Ligën Saudite Pro mund t’i ofrojë atij një fillim të ri larg kontrollit intensiv të futbollit evropian.

Liverpool është i hapur për të shitur Nunez dhe thuhet se ka vendosur një çmim prej 100 milionë euro për sulmuesin, por tani për tani, duket se klubet mbeten shumë larg për sa i përket tarifës së transferimit. /Telegrafi/