Aktorja seks-simbol e viteve ’60, Raquel Welch humbet shkëlqimin në moshën 81-vjeçare me shtimin në peshë

Seks simboli i viteve gjashtëdhjetë, Raquel Welch, dëshmon se bukuria është dhimbje pasi duket sikur është në agoni ndërsa bën manikyr.

Fotografi i DailyMail e pa ish-aktoren dhe modelen 81-vjeçare duke kaluar nëpër një sërë emocionesh gjatë vizitës së saj tri-orëshe javën e kaluar në sallonin e thonjve “J&J Beauty Lounge” në Beverly Hills, i cili është i preferuari në mesin e banorëve në lagjen e pasur.

Përfundimisht, Welch u duk e emocionuar me rezultatet dhe ndau disa të qeshura me estetisten e saj gjatë momenteve më pak të vështira, shkruan DailyMail.

Lowkey Welch, e cila rrallë del në publik këto ditë, u fotografua për herë të parë nga DailyMail në shtator për herë të parë në dy vjet.

Për daljen e saj javën e kaluar, ajo kishte vënë një palë vathë prej ari dhe kishte veshur një bluzë të bardhë me pantallona të zeza, ndërsa lexonte me durim revistat në zonën e pritjes derisa estetistja e saj të ishte gati.

Ajo hyri me një kapelë kashte dhe më pas e hoqi për të zbuluar tiparet e famshme që e bënë atë një superyll të viteve 1960 dhe 70 në filma si: “Bedazzled”, “The Biggest Buddle of Them All”, “One Million Years B.C.” dhe “Fantastic Voyage”.

Aktualisht ajo është beqare, por Raquel është martuar gjithsej katër herë në jetën e saj.

Welch, e cila ka lindur në Çikago si Jo Raquel Tejada, ka dy fëmijë të rritur, teksa divorci i saj i fundit ishte me Richie Palmer në vitin 2008.

Në një intervistë për revistën “Elle” në vitin 2011, ajo u zotua të mos rimartohej kurrë duke thënë: “Unë thjesht nuk jam më e përshtatshme për të. Unë i dua burrat dhe e dua shoqërinë e tyre, por jam shumë e pavarur dhe e vetë-motivuar”.

“Unë jam e gatshme të njihem, por, sinqerisht, ka një grup njerëzish të kualifikuar në moshën time që po pakësohet. Nuk më shqetësojnë rolet tradicionale të mashkullit dhe femrës, por, siç mund ta thoni, unë jam një grua me mendje shumë të fortë”, vazhdoi ajo.

“Jam e sigurt se do të isha një sfidë për shumë meshkuj. Ata nuk do të donin të merreshin me të ose, nëse do të donin të merreshin me të, ndoshta thjesht nuk jam aq e interesuar”.

Welch u martua me burrin e parë James Welch në moshën 19-vjeçare – një vit pasi ajo filloi të ndiqte Kolegjin Shtetëror të San Diegos me një bursë për artet teatrore.

Dyshja kishte dy fëmijë: Damon (i lindur më 1959) dhe Tahnee Welch (i lindur më 1961) – ajo u zhvendos në Dallas me dy fëmijët e saj pas ndarjes së tyre.

Ajo u transferua në Los Angeles në vitin 1963 dhe pati role të vogla në filma dhe shfaqje.

Divorci i saj u finalizua në vitin 1964.

Ajo vazhdoi të martohej edhe tri herë pas Jamesit; ajo ishte e martuar me producentin Patrick Curtis nga viti 1967 deri në 1972; me Andrew Weinfeld nga viti 1980 deri në 1990; dhe Richard Palmer nga viti 1999 derisa u ndanë në vitin 2003 dhe u divorcuan në vitin 2008.

Welch u bë një emër i njohur në vitet ’60 dhe ’70, por vazhdoi të shfaqej në role filmike dhe televizive në vitet 2000.

Në vitin 2001, ajo luajti rolin e zonjës Windham-Vandermark, ish-gruaja e një burri të pasur të vrarë, së bashku me Reese Witherspoon në filmin hit, “Legally Blonde”.

Projektet e fundit të yllit të filmit ishin në vitin 2017 – filmi “How To Be A Latin Lover” dhe shfaqja “Date My Dad”. /Telegrafi/