Ajo po konsiderohet si ‘hero’: Momenti kur gruaja izraelite ‘ia nguli sytë’ militantit të maskuar dhe me automatik të Hamasit, teksa po lirohej pas 53 ditësh e mbajtur peng

Ky është momenti kur një grua izraelite, që ishte zënë peng – dhe që po konsiderohet “hero” – “ia nguli sytë” një militanti të maskuar të Hamasit, ndërsa ajo më në fund u lirua pas 53 ditësh në robëri.

Sipas mediave të huaja, përcjell Telegrafi, Rimon Kirsht, 36 vjeçe, ishte pjesë e grupit të pestë të pengjeve izraelitë dhe të huaj, të cilët iu dorëzuan Izraelit të martën si pjesë e një marrëveshjeje të brishtë armëpushimi, e cila aktualisht do të përfundojë nesër në mëngjes.

Lexo po ashtu E mbajtur peng për dy javë, gruaja e moshuar izraelite thotë se takoi shefin e Hamasit në tunelet e Gazës - tregon se çfarë i tha dhe si reagoi ai

Ndryshe, ndërmjetësuesit ndërkombëtarë po punojnë për të zgjatur armëpushimin në Gaza, duke inkurajuar militantët e Hamasit që të vazhdojnë lirimin e pengjeve në këmbim të lirimit të të burgosurve palestinezë dhe lehtësimit të mëtejshëm nga ofensiva ajrore dhe tokësore e Izraelit.

Dhe natën e kaluar, ushtria izraelite tha se Hamasi dorëzoi dymbëdhjetë pengje izraelitë dhe katër tajlandezë në ditën e gjashtë të armëpushimit të përkohshëm.

Akti sfidues përballë militantëve që thuhet se vranë 1200 njerëz dhe morën 240 pengje në Gaza më 7 tetor u lavdërua nga përdoruesit e mediave sociale.

Lexo po ashtu “Bëra gjashtë amputime brenda një nate”: Mjeku londinez kujton tmerret që pa për 43 ditë në Gaza

Skenaristi Lee Kern tha: “Shikojeni këtë heroinë izraelite që sfidon një terrorist të maskuar me automatik”.

E rrëmbyer nga shtëpia në Nirim, 36-vjeçarja Kirsht u mor me partnerin e saj Yagev Buchstab, 34 vjeç, i cili ende nuk është liruar. /Telegrafi/