Ajo është 82 vjeçare dhe thyen të gjitha stereotipet, Martha Stewart akoma pozon me bikini dhe nuk pranon të vishet ‘në përputhje me moshën’

Për të nuk ekziston një ‘gardërobë e papërshtatshme’ dhe dëshiron t’u thotë të gjitha femrave se mosha është vetëm një numër.

Sipërmarrësja, shkrimtarja dhe ylli i televiziv, Martha Stewart, është 82 vjeçare dhe kundërshton vazhdimisht pretendimet se duhet të duket dhe të vishet për moshën e saj.

Për të veshja tradicionale nuk ekziston, sepse e mban moshën me krenari dhe për të mosha është vetëm një numër. Dhe ajo vet është dëshmia e vërtetë e kësaj mendjemadhësie.

Martha u bë modelja më e vjetër në kopertinën e Swimsuit Issue të revistës kult Sports Illustrated, ndërsa për xhirimet në Republikën Dominikane kishte veshur gjithsej nëntë rroba banje të ndryshme.

Lexo po ashtu Martha Stewart këshillon çka të pini që fyti kurrë të mos ju dhembë

Misioni i saj është të tregojë se femrat mund të duken bukur dhe të ndjehen të shkëlqyera në çdo moshë dhe se nuk ekziston një gjë e tillë si ‘të vishesh për moshën tënde’.

“Unë nuk mendoj për moshën. Mendoj se njerëzit bëhen më të mirë në vitet e tyre më të vjetra dhe i mbështes secilin prej tyre. Unë vishem njësoj që nga mosha 17 vjeçare. Nëse shikoni fotografitë e mia në Instagram, dukem shumë e njëjta gjë”, është shprehur Stewart.

Ajo u bë e famshme në vitet tetëdhjeta, kur filloi të shkruante libra gatimi dhe të shfaqej në televizion. Që atëherë, ka shkruar 99 libra, ka drejtuar shfaqje të shumta gatimi, ka lansuar revistën e saj të stilit të jetesës dhe ka lansuar linjat e veshjeve dhe produkteve shtëpiake.

Lexo po ashtu 81-vjeçarja Martha Stewart shfaqet pa sytjena poshtë përparëses ndërsa promovon një markë kafeje

Në vitin 2004, u dënua se e kishte gënjyer qeverinë për shitjen e aksioneve. Ajo ka vuajtur pesë muaj burg dhe tash e një kohë po punon për ta rikthyer imazhin e saj të mirë. /Telegrafi/