Ahmeti: Kosova, një kartë pokeri me vlerë të lartë – shpresojmë të kemi rënë në duart e lojtarëve të duhur

Kryetari i Komunës së Prishtinës, Shpend Ahmeti, përmes një postimi në rrjetet sociale ka komentuar zhvillimet e fundit në Kosovë, përkatësisht shtyrjen e takimit në Shtëpi të Bardhë dhe rreth aktakuzës së Prokurorit Special, vetëm tri ditë para takimit të paraparë në SHBA.

Sipas Ahmetit, takimi i Shtëpisë së Bardhë të Kosovës i shtyrë nga Richard Grenell dhe njoftimi për shtyp i aktakuzës tre ditë më parë nga Gjykata janë mbi “kapacitetet tona”.

“Shtyrja e takimit nga Richard Grenell në Shtëpinë e Bardhë dhe komunikata e aktakuzës nga Gjykata Speciale, tri ditë përpara takimit, janë përtej nivelit tonë të cilin mund ta paguajmë. Fatkeqësisht, si duket ne jemi një kartë me çmim të lartë të pokerit. Shpresojmë që kemi rënë në duart e lojtarëve të duhur dhe nuk tregëtohemi lehtë” , ka shkruar Ahmeti në Twitter.

#Kosovo #WhiteHouse meeting pushed by @RichardGrenell and the indictment press release three days prior by the Court are above our paygrade.
Unfortunately, it seems we are a card at a very high stakes poker game.
Hope we are dealt to the right players and not traded easily.

— Shpend Ahmeti (@ShpendA) June 26, 2020

Ndryshe, emisari Special i presidentit Donald Trump për dialogun Kosovë-Serbi, Richard Grenell ka konfirmuar anulimin e takimit i cili ishte caktuar të mbahej për të shtunën në Shtëpinë e Bardhë.

Një konfirmim i tillë ka ardhur pasi, pas presidentit Hashim Thaçi, edhe kryeministri Avdullah Hoti anuloi pjesëmarrjen shkaku i aktakuzës nga Prokurori Special kundër presidentit Hashim Thaçi. /Telegrafi/