Agjenti Giuffredi: Hysaj qëndron te Napoli, por Sarri mund ta kërkojë te Chelsea

Agjenti i Elseid Hysaj pret që mbrojtësi i djathtë të qëndrojë në Napoli, pasi tani klauzola e lirimit prej 50 milionë eurosh është e pavlefshme, por pranon se  Maurizio Sarri mund ta kërkojë te Chelsea.

Mbrojtësi i kombëtares shqiptare ka befasuar me nivelin e treguar viteve të fundit duke qenë titullar i padiskutueshëm te Napoli dhe njëri nga lojtarët më të mirë në Serie A.

Paraqitjet e tij të mira dhe vazhdimësia kanë bërë Hysaj të jetë shumë i kërkuar nga skuadrat e mëdha evropiane.

Lexo po ashtu Chelsea ka gati 42 milionë euro për Hysajn, por Napoli po kërkon edhe më shumë

Hysaj ka qenë i lidhur shumë me Chelsean dhe edhe më shumë nëse Sarri emërohet trajner i tyre.

Është agjenti i mbrojtësit shqiptar, Mario Giuffredi, i cili ka ofruar disa sqarime për të ardhmen e Hysajt.

“Kam lexuar disa pasaktësi: klauzola e lirimit në kontratën e Hysaj ishte e vlefshme deri më 30 qershor dhe jo në 5 korrik, por asnjë skuadër nuk u shfaq”, ka thënë ai për Radio Kiss Kiss.

Lexo po ashtu Agjenti: Hysaj e ka refuzuar Juventusin

“Unë mendoj se Elseidi do të përfundojë duke qëndruar te Napoli, por nëse Sarri shkon te Chelsea, ai mund ta kërkoj atë”.

“Në atë pikë, me klauzolën e tij të skaduar, negociatat duhet të organizohen…”, përfundoi agjenti Giuffredi. /Telegrafi/