Afër gjysmë milioni euro dënim – portieri legjendar gjermani kishte dëmtuar me sharrë elektrike garazhin e fqinjit pas një debati

Ish-portieri i kombëtares gjermane të futbollit, Jens Lehmann është dënuar në gjykatë në qytetin e tij të lindjes, Starnberg, pasi ka dëmtuar garazhin e fqinjit të tij me sharrë elektrike, njoftoi agjencia gjermane DPA.

Gjykata vendosi një gjobë totale prej 420 mijë eurosh për dëmtim të pasurisë, sjellje ofenduese dhe mashtrim në tentativë.

Rrethanat e këtij incidenti janë mjaft të pazakonta dhe mediat gjermane e cilësuan gjyqin si një nga më të çuditshmit.

Lexo po ashtu Sjellje antisociale, raport psikiatrik dhe shmangie e gjobave: Lehmann akuzohet tani se ka sulmuar me motor-sharrë garazhin e fqinjit

Lehmann pati një debat me fqinjin e tij për garazhin, duke thënë se garazhi ia bllokoi pamjen e liqenit nga shtëpia e tij.

Ish-portieri i Schalke, Milan, Borussia Dortmund, Arsenal dhe Stuttgart hyri në garazhin e një fqinji pranë liqenit Starnberg në Bavarinë e Epërme dhe preu një nga trarët.

Lehmann u kap në flagrancë nga një kamerë vëzhgimi që po regjistronte me një bateri rezervë, pavarësisht se Lehmann shkëputi kabllon e kamerës nga priza përpara se të hynte në garazh.

Lexo po ashtu Në këtë ditë të vitit 2006, Jens Lehmann tërhoqi 'Fletën e mashtrimit' nga çorapet e tij për mënyrën se si i gjuajnë penalltitë lojtarët e Argjentinës

Lehmann ka pranuar se ka hyrë në garazh me sharrë elektrike në dorë, por edhe se nuk mban mend asgjë. /Telegrafi/