Abazoviq pas takimit me Lajçakun: Pas ngjarjeve në Ukrainë, BE-ja duhet ta ndihmojë Ballkanin Perëndimor

Qeveria e re evropiane është e gatshme të zbatojë reformat, tha zëvendëskryeministri i Malit të Zi, Dritan Abazoviq në një takim me të dërguarin special të Bashkimit Evropian për Ballkanin Perëndimor, Miroslav Lajçak, në Turqi.

“Bashkimi Evropian duhet t’i ndihmojë vendet e Ballkanit Perëndimor në rrugën e tyre evropiane sa më shpejt të jetë e mundur, veçanërisht pas ngjarjeve në Ukrainë”, tha ai.

Politikani shqiptar e ka informuar sllovakun rreth procesit të formimit të qeverisë së re pasi ishte mandatuar nga presidenti Milo Gjukanoviq, raporton rtcg.

Nova evropska vlada spremna da sprovede reforme. 🇲🇪

EU da pomogne ubrzanje integracionog procesa zemalja ZB, naročito nakon dešavanja u #Ukraine️ 🇺🇦.

Sastanak na @AntalyaDF, sa specijalnim izaslanikom #EU🇪🇺 za Zapadni Balkan i velikim prijateljem Crne Gore, @MiroslavLajcak. pic.twitter.com/Ga3AZCy1Q8

— Dr Dritan Abazovic (@DritanAbazovic) March 10, 2022

Lajçak vuri në dukje se Brukseli ka pritshmëri të mëdha nga qeveria e re dhe se Mali i Zi mund të llogarisë në mbështetjen e tij.

Duke folur për pushtimin e Ukrainës nga Rusia, Abazoviq theksoi se kishte një shkelje brutale të ligjit ndërkombëtar dhe një shkelje e integritetit territorial dhe sovranitetit të shtetit ukrainas.

“Mali i Zi, si një anëtar i ardhshëm, ndjek politikën e jashtme të BE-së dhe i bashkohet masave kufizuese të miratuara nga BE kundër Federatës Ruse. Synimi ynë është, si anëtare e NATO-s, të jemi shembull i paqes dhe stabilitetit në Ballkanin Perëndimor”, theksoi Abazoviq.

Abazoviq ndodhet në Republikën e Turqisë, ku do të marrë pjesë në Forumin Diplomatik të Antalias, i cili mbahet nga 11 deri më 13 mars. /Telegrafi/