Zyrtare: Chelsea kompleton transferimin e talentit që u kërkua nga gjigantët evropianë

Chelsea ka njoftuar se ka transferuar Kendry Paze nga Independiente del Valle.

Përmes një njoftimi në rrjetet e tyre zyrtare, klubi londinez bëri të ditur se 16-vjeçari do të jetë pjesë e tyre porsa t’i mbushë 18 vite dhe do të qëndrojë në huazim te kjo skuadër.

“Klubi i futbollit Chelsea ka rënë dakord për një marrëveshje për të nënshkruar me mesfushorin adoleshent Kendry Paez nga Independiente del Valle”, thuhet fillimisht në njoftimin e tyre.

Chelsea Football Club has agreed a deal to sign teenage midfielder Kendry Paez from Independiente del Valle! ✍️

— Chelsea FC (@ChelseaFC) June 5, 2023

“Ekuadoriani, i cili do t’i bashkohet Chelseat pas ditëlindjes së tij të 18-të, tashmë ka krijuar një reputacion në Amerikën e Jugut si një nga talentet e rinj më të ndritshëm dhe më kreativ përreth, falë kombinimit të tij të driblimit të aftë, së bashku me vizionin dhe teknikën për të hapur mbrojtjen me kalimin e tij”.

“Paez tërhoqi vëmendjen duke gjetur rrjetën në debutimin e tij të parë për klubin e tij këtë vit, duke u bërë debutuesi dhe golashënuesi më i ri në ligën e Ekuadorit. Ai ka gjashtë paraqitje këtë sezon, përveç debutimit të tij kontinental në fitoren 2-1 të Copa Libertadores ndaj Corinthians në fillim të majit”.

“Ai ka luajtur gjithashtu në Kupën e Amerikës U-17, duke regjistruar dy gola dhe gjashtë asistime ndërsa ishte kapiten i vendit të tij, përpara se të shënonte një gol dhe tre asistime teksa nisi të katër ndeshjet e Ekuadorit në Kupën e Botës U-20 të kësaj vere. Ai u emërua më parë si talenti më i mirë në Trophy 2022 Next Generation, një turne prestigjioz për të rinjtë në Austri, me klube nga e gjithë bota”, thuhet ndër të tjerash në komunikatën e Chelseat. /Telegrafi/