Zinedine Zidane i kërkoi personalisht Real Madridit transferimin e mesfushorit të Aston Villës

Zakonisht, kur një lojtar nënshkruan për Real Madridin, me shumë mundësi ata janë në mesin e më të mirëve në botë.

Për Zinedine Zidane, sidoqoftë, një lojtar të cilin ai i kërkoi klubit që ta transferojë në të kaluarën nuk ishte një lojtar i profilit të tillë.

Që nga koha e ‘Galaktikëve’ deri tek yjet e kohës moderne, do të jetë e vështirë të gjeni një lojtar në historinë e ‘Los Blancos’ i cili nuk u transferua për një shumë të majme parash, ose nuk ka pagë të madhe.

Blerja e tyre e fundit, Kylian Mbappe, për shembull, erdhi si lojtar i lirë, por paga e tij në vit mund të shkojë deri në 60 milionë euro.

Ndonjëherë, pavarësisht çmimit, një blerje është e nevojshme. Për Zidane, u prezantua një mundësi e tillë sa që ai mendoi se Real Madridi duhet ta shfrytëzonte, por klubi e injoroi këshillën e tij.

Sipas një raportimi nga DefensaCentral, është sugjeruar se Youri Tielemans ishte në listën e dëshirave të Zidanes para se të nënshkruante për Aston Villan.

Mesfushori belg ishte në dispozicion si lojtar i lirë në treg, pas rënies në Championship të Leicester Cityt në sezonin 2022/2023.

Ish-trajneri i Real Madridit e pa atë si një përforcim të duhur për skuadrën, por Florentino Perez e refuzoi këtë mundësi.

Sidoqoftë, ai ka shkëlqyer në ‘Villa Park’ nën urdhrat e Unai Emery dhe ka kontribuar në katër gola deri tani këtë sezon./Telegrafi/