Zëvendësja e Joe Bidenit, një zgjedhje e guximshme

Për kandidaten për zëvendëspresidente është debatuar në javët e fundit po aq shumë sa për kandidaturën e demokratëve për president. Botues britanikë që baste vënë vetëm për emrin e pasaardhëvve mbretërorë, do të ishin dëfryer me lojën e emrave të përzgjedhur. Me senatoren Kamala Harris, Joe Biden dhe këshilltarët e tij vendosën për një grua e cila që në fillim konsiderohej me më shumë shanse.

Por, Kamala Harris si zgjedhje ka edhe rreziqe. Senatorja nga Kalifornia që në dhjetor 2019 shpalli dorëheqjen nga kandidatura si presidente, ra në sy në debatet parazgjedhore, sidomos me sulmet kundër vet Joe Bidenit. Kritika e saj: Biden nuk u distancua sa duhet nga ish-kolegët e Senatit që dikur mbështesnin ndarjen racore në ShBA. Se Bideni e bën kandidate rivalen e tij, kjo nuk është e pazakontë. Por, Harris u jep mundësi sulmi kundërshtarëve të saj politikë me karrierën e deritanishme. Në kohën e saj si prokurore e përgjithshme e Kalifornisë, sipas kritikëve ajo ka qenë shumë e ashpër dhe gjithmonë e drejtë në luftë kundër kriminalitetit. Që gjatë kandidaturës së saj si presidente, ajo duhej të dëgjonte që zyra e saj nuk i ka hetuar mjaftueshëm disa raste, në të cilat amerikanë me ngjyrë humbën jetën nga sulmet e policisë.

Kjo mund t’i hapë probleme Joe Bidenit. Në fund të fundit, tek e shkuara e Kamala Harrisit nuk do të sulet vetëm ekipi zgjedhor i Donald Trumpit. Edhe demokratë liberalë në spektrin më të majtë të demokratëve, ku Biden gjithsesi nuk e ka të lehtë, nuk e shohin me sy të mirë që Harris vetëm më vonë filloi të paraqitej si një “juriste progresive”.

Megjithatë: Vendimi për Harrisin është një lëvizje e zgjuar shahu e Joe Bidenit. Ajo është një politikane me retorikë që di ta rrëmbejë publikun dhe që tek votuesit demokratë mund të sjellë entuziazmin aq të nevojshëm. Harris është kandidatja e parë me ngjyrë e partive të mëdha në postin e zëvendëspresidentes. Një moment historik për një vend ku aktualisht racizmi dhe diskriminimi sistematik i amerikanëve me ngjyrë janë temat sunduese. Joe Biden shpreson natyrisht që të bëjë për vete gjithnjë e më shumë votues me ngjyrë.

Sipas gjasave, Joe Biden, për shkak të moshës së tij, nëse do të fitonte zgjedhjet do të qeveriste vetëm një mandat dhe kështu do të hapte rrugën për zëvendëspresidenten. Kamala Harris mund të bëhej kështu presidentja e parë e Shteteve të Bashkuara. Por, për këtë, përgjigjen do ta japë e ardhmja. Tani për, ekipin e Joe Bidenit bëhet fjalë të fitojë zgjedhjet në nëntor.