Zelensky papritmas shkarkon ambasadorin ukrainas në Britani

Një njoftim i papritur ka ardhur nga Ukraina, e cila po ballafaqohet tash e sa kohë me pushtimin e Rusisë.

Presidenti ukrainas, Volodymyr Zelensky ka shkarkuar Vadym Prystaiko si ambasador në Mbretërinë e Bashkuar.

Ende nuk është dhënë ndonjë arsye për shkarkimin e 53-vjeçarit, raporton skynews.

Prystaiko kishte shërbyer si ambasador i Ukrainës në Londër që nga 20 korriku i vitit 2020.

Një urdhër presidencial thotë gjithashtu se Prystaiko është hequr si përfaqësues i Ukrainës në Organizatën Ndërkombëtare Detare.

Kujtojmë se ambasadori kritikoi presidentin ukrainas në një intervistë në Sky News.

Ndryshe, dorëheqje ka dhënë edhe ministri ukrainas i Kulturës, Oleksandr Tkachenko. Ky i fundit thuhet se u largua pas një “keqkuptimi” mbi përdorimin e fondeve publike për projekte kulturore, ndërsa Kievi po përpiqet të largojë pushtuesit rus që nga 24 shkurti i vitit të kaluar. /Telegrafi/

Vadym Prystaiko says he doesn't think President Zelenskyy's "sarcasm" at the NATO summit "is healthy".

"We're not expecting anybody to fight for us, we only ask for equipment," he says. https://t.co/PAiZ4D1jU3

📺 Sky 501, Virgin 602, Freeview 233 and YouTube pic.twitter.com/p0gQI6Zcsm

— Sky News (@SkyNews) July 13, 2023