Zaev dhe Angjushev prezentojnë masat e reja për ekonominë e Maqedonisë (Video)

Kryeministri Zoran Zaev dhe zv.kryeministri për çështje ekonomike, Koço Angjushev sot në një konferencë për shtyp kanë prezentuar planin e ri ekonomik për subjektet private në vend, njofton Telegrafi Maqedoni.

Plani i prezentuar nga Zaev përmban këto pika:
1. Largimin e presionit politik nga kompanitë private
2. Transparencë dhe kushte transparente për investim
3. Neutralitet dhe politika jo-diskriminuese ndaj investitorëve vendas dhe të jashtëm
4. Kordinim i plotë për bërjen e politikave ekonomike
5. Efikasitet në politikat për subjektet
6. Ndjekje dhe matje të rezultateve

Zv.kryeminstri Angjushev tha se do të ketë edhe tre masa tjera për të ndihmuar ndërmarrësinë dhe kompanitë që investojnë në Maqedoni.
-Mbështetje për të gjithë ekonominë,
-Ndihma logjistike që kompanitë të fillojnë me import
-Ndihmë për kompani me kapital të mesëm dhe të vogël.

Sipas dy zyrtarëve të Qeverisë së Maqedonisë, këto masa dhe pika të këtij plani pritet të ndikojnë në zhvillimin e kompanive në Maqedoni. Rezultatet pritet të jenë të ndjeshme pas disa muajve, pasi fillon të zbatohet ky plan në fillimin e vitit 2018. /Telegrafi/