Sacramento Kings i dhanë fund serisë negative prej katër humbjesh radhazi, duke mposhtur Miami Heat jashtë fushe me rezultat 127:111.

Mysafirët e nisën ndeshjen më mirë dhe pas çerekut të parë kishin epërsi prej tre pikësh. Në pjesën e dytë të lojës ata rritën ritmin dhe shkuan në pushim me avantazh të qartë, 72:55.

Miami nuk arriti të reagojë as pas pushimit – diferenca vazhdoi të rritej dhe përpara çerekut të fundit Kings kishin krijuar një epërsi prej 23 pikësh. Në fund, vendasit vetëm sa e zbutën disi humbjen, pavarësisht se ishin favoritë në letër.

Zach LaVine ishte i jashtëzakonshëm për Sacramenton, duke realizuar 42 pikë dhe duke qenë lojtari kyç i fitores. Për Miamin spikatën vetëm Jaime Jaquez Jr. me 27 pikë dhe Simone Fontecchio me 20 pikë.

Aktualisht, Miami renditet i shtati në Konferencën Lindore me bilanc 14-10, ndërsa Sacramento mban pozitën e 13-të në Perëndim me bilanc 6-17./Telegrafi/

Rezultatet:

Dallas – Houston 122:109


- YouTube www.youtube.com

Minnesota – LA Clippers 109:106

- YouTube www.youtube.com

Miami – Sacramento 111:127

- YouTube www.youtube.com

Detroit – Milwaukee 124:112

- YouTube www.youtube.com

Cleveland – Golden State 94:99

- YouTube www.youtube.com

Washington – Atlanta 116:131

Brooklyn – New Orleans 119:101

NBABasketbollSport
telegrafi sport app