Ylli i West Ham i bindur se do ta ndalin Cityn: Arsenali shpallet kampion

Gara për titullin e kampionit në Ligën Premier është bërë shumë interesante kur kanë mbetur edhe tre xhiro deri në fund të sezonit 2023/24.

Arsenali po udhëheq me 83 pikë, një më shumë se Manchester City që ka një ndeshje më pak të zhvilluar.

Topçinjtë kanë nevojë për ndihmen e skuadrave rivale, pasi City në tre ndeshjet e fundit do t’i zhvilloj ndaj ekipeve londineze si Fulham, Tottenham Hotspur dhe West Ham United.

Lexo po ashtu Michail Antonio zbulon fjalët që bankina e West Hamit i dëgjoi nga Klopp në drejtim të Salah

Ylli anglez i West Ham, Michail Antonio ka thënë se Arsenali do të fitojë Ligën Premier, pasi ata në ndeshjen e fundit luftojnë për Evropën dhe do ta ndalin Cityn.

“Nëse shkon deri në ditën e fundit, mendoj se Arsenali e fiton atë. Ndeshja e fundit e sezonit, ne kemi diçka për të luajtur gjithashtu, ne po përpiqemi të shkojmë në Evropë, Man City për titullin”, tha Antonio.

Lexo po ashtu Michail Antonio shpjegon pse ai nuk dëshiron që Liverpooli të fitojë Ligën Premier, u thotë tifozëve të 'zhduken'

West Ham udhëton në Man City në ditën e fundit të sezonit 2023/24 të Ligës Premier në një lojë që mund të vendosë rezultatin e titullit të garës për titull. /Telegrafi/

Na ndiqni në rrjetet tona sociale: Facebook, Instagram, TikTok, Twitter, Threads.