Ylli olimpik arrestohet me dyshimin se ka blerë kokainë në Lojërat Olimpike në Paris

Sipas një raporti, një lojtar australian i hokejit në fushë është ‘arrestuar me dyshimin se ka blerë kokainë’ gjatë Lojërave Olimpike në Paris 2024.

Jean-Baptiste Marty, një reporter evropian i krimeve, ka hyrë në mediat sociale për të bërë pretendimin e bujshëm.

“Një anëtar i ekipit australian të hokejit në fushë u arrestua mbrëmë pasi bleu kokainë në një rrugë në lagjen e 9-të të Parisit. U arrestua edhe shitësi, i cili mbante 75 pilula ekstazi, 3 gram MMC dhe epruveta kokainë”, shkroi Marty në rrjetin social X.

#JO2024 : un membre de l’équipe australienne de hockey sur gazon a été interpellé cette nuit après avoir acheté de la cocaïne dans une rue du 9e arrondissement de Paris. Le vendeur, porteur de 75 cachets d’ecstasy, de 3g de 3 MMC et de 7 fioles de cocaïne, a également été arrêté

— Jean-Baptiste Marty (@jbaptistemarty) August 7, 2024

Sportisti në fjalë është Tom Craig, sipas FranceInfo, medium i cili raportoi se 28-vjeçari ‘u arrestua teksa dyshohet se posedonte afërsisht një gram kokainë’.

Prokurorët vendas thanë se ai u pa “në hyrjen e një ndërtese në lagjen e nëntë” vetëm pas mesnate.

“Policia arrestoi dy burra në mes të një transaksioni”, tha burimi për FranceInfo.

Hetimet u kryen nga policia e Brigadës së Narkotikëve të Parisit.

Shitësi, i përshkruar si një 17-vjeçar, “po sillej si një tregtar”, tha një burim i prokurorisë.

Ai u pa duke mbajtur shtatë epruveta të mbushura me kokainë, 75 tableta ekstazi dhe 3 gram Mephedrone.

Për shkak të moshës së tij, “dileri” nuk mund të përmendet.

JO de Paris 2024 : un membre de l’équipe olympique australienne de hockey sur gazon en garde à vue pour trafic de stupéfiantshttps://t.co/mdGnPPHdDD

— franceinfo (@franceinfo) August 7, 2024

Komiteti Olimpik Australian tha se “ka konfirmuar se një anëtar i ekipit australian të hokejit është në paraburgim pasi u arrestua në Paris më 6 gusht”.

“Asnjë akuzë nuk është ngritur. AOC po vazhdon të bëjë hetime dhe të organizojë mbështetje për anëtarin e ekipit”, thuhet tutje në njoftim.

Të dyja skuadrat australiane të hokejit në fushë u eliminuan nga çerekfinalet këtë javë. Skuadra e femrave humbi 3-2 nga Kina, ndërsa skuadra e meshkujve pësoi një humbje 2-0 nga Holanda.

SPORTbible ka kontaktuar Komitetin Olimpik Australian dhe Hokej Australinë për koment. /Telegrafi/