Ylli i Liverpoolit i gatshëm të bëjë gjithçka për t’u larguar nga klubi në verë

Arne Slot mund të përgatitet për sezonin e ardhshëm pa llogaritur në shërbimet e një lojtari të Liverpoolit, i cili raportohet se është i gatshëm të bëjë gjithçka për t’u larguar nga klubi në verë. 

Pas një jave të tmerrshme për Liverpoolin ku u eliminuan nga Liga e Kampionëve në çerekfinale vetëm pak ditë para se të pësonin humbje në finale të Carabao Cup, e gjitha vëmendja e tyre është fokusuar tek Liga Premier. 

Por duke marrë parasysh se gjasat janë shumë të mëdha që ‘Të Kuqtë’ do ta rrëzojnë nga froni Manchester Cityn këtë sezon, disa tifozë tashmë kanë filluar të ëndërrojnë për afatin kalimtar veror. 

Afati kalimtar veror do të hapet më 12 qershor, por duket Slot do të ballafaqohet me një problem serioz pasi njëri prej lojtarëve të tij është i gatshëm ta sforcojë largimin në verë. 

Lexo po ashtu Ylli i Liverpoolit i thotë ‘po’ Barcelonës – transferimi i tij mund të mbyllet për 75 milionë euro

Një raportim nga Mundo Deportivo e ka bërë të qartë se tifozët e Liverpoolit duhet të presin largimin e Luis Diaz në verë, pasi ai është bërë objektiv i Barcelonës. 

Sulmuesi kolumbian është lidhur me një transferim të mundshëm tek blaugranasit tashe sa kohë, por tani duket se këto thashetheme kanë filluar që të bëhen të vërteta. 

Në një tjetër raport, e përditshmja spanjolle pretendon se 28-vjeçari, i cili ka kontratë me Liverpoolin deri në vitin 2027, është i etur të sigurojë lëvizjen e tij të ëndrrave dhe për këtë është i gatshëm të bëjë gjithçka. 

Diaz ka shënuar 13 gola dhe ka bërë pesë asistime në 42 paraqitje këtë sezon dhe me gjasë do të duhej një shumë e majme parash për Barcelonën që ata të jenë në gjendje ta transferojnë këtë verë./Telegrafi/