Ylli i Chelseat po konsideron mundësinë e transferimit befasues tek Barcelona

Barcelona pritet që të bëjë një lëvizje për një mbrojtës të djathtë në vitin 2025. Ata tashmë kishin disa opsione në listën e tyre të ngushtë për këtë verë, por problemet financiare ua pamundësuan që të nënshkruajnë me ndonjërin nga ta.

Momentalisht Jules Kounde është zgjedhja e parë në atë pozitë ani pse francezi do të rikthehej në qendër nëse transferohet dikush tjetër.

Në rast se kjo ndodh një lojtar i nivelit botëror pritet të bëhet objektiv dhe sipas FootballTransfers, njëri prej lojtarëve që mund të jetë në dispozicion është kapiteni i Chelseat, Reece James.

Raporti shton se James po konsideron largimin nga Chelsea dhe transferimi në një ekip që luan në një klimë më të nxehtë do të ishte një destinacion i dëshirueshëm.

Agjenti i tij tashmë ka filluar të eksplorojë disa destinacione të mundshme dhe Barcelona është një ndër klubet me të cilat ai është lidhur.

James do të ishte një transferim sensacional për Barcelonën në rast se ai do të arrinte të qëndronte i shëndetshëm./Telegrafi/