Yjet që janë fansa të Lionel Messit dhe po mbështesin Argjentinën në finalen e Kupës së Botës

Shumë njerëz po përgatiten për të parë finalen e Botërorit të Katarit 2022 mes Argjentinës dhe Francës dhe duket se ka plot njerëz të famshëm që zgjedhin Lionel Messin në vend të Kylian Mbappe.

Ylli aktual i futbollit botëror po përballet me pasardhësin e tij dhe dyshja luajnë së bashku në nivel klubi për Paris Saint-Germain.

Duket se statusi i legjendës që mban Messi nuk mund të konkurrohet ende, pasi shumë personazhe të famshëm dhe sportistë po e kërkojnë atë për të fituar më në fund çmimin që i ka shpëtuar.

Këngëtarja e njohur angleze Adele do të bëjë tifo për argjentinasit. Ajo u afrua nga një tifoz në një koncert të fundit dhe më pas i tha: “A jeni nga Argjentina? Falë Zotit ata fituan me penallti sot”, duke iu referuar ndeshjes kundër Holandës, shkruan Marca.

Aktorja e njohur Julia Roberts njihet si një fanse e madhe e futbollit dhe së fundmi është parë duke i uruar ditëlindjen ish-lojtarit të Manchester United, Jesse Lingard në Instagram.

Roberts dihet gjithashtu se është një tifoze e Messit dhe Argjentinës. Ajo ishte në El Clasico në 2017 dhe i kërkoi futbollistit një foto pas ndeshjes.

Një tjetër yll i Hoollywoodit është Christopher Mintz-Plasse i cili luajti McLovin në “Superbad”. Twitter-i i tij është i mbushur me materiale për kombëtaren e Argjentinës.

Harry Styles gjithashtu shkroi ‘Urime Argjentinë’ përpara një shfaqjeje të fundit, dhe Daddy Yankee është parë gjithashtu në videot e mediave sociale duke mbështetur përfaqësuesen argjentinase.

Një tjetër yll britanik që i uron Argjentinës është legjenda e tenisit Andy Murray. Në fund të ndeshjes mes Argjentinës dhe Australisë më herët në turne, Murray shkroi në Twitter ‘Messi është kryesori’. /Telegrafi/