Xhaka thotë se kishte lot gëzimi në Prishtinë: Me Milotin e Dardanëve ishim për t’i nderuar gjithë shqiptarët

Të shtunën në stadiumin Fadil Vokrri në Prishtinë u mbajt ndeshja e yjeve mes skuadrës së Granit Xhakës dhe asaj të Milot Rashicës.

Përveç dy futbollistëve të lartpërmendur që ishin edhe kapiten të skuadrave të tyre, morën pjesë edhe lojtarë tjerë si Ermir Lenjani, Mërgim Mavraj, Shefki Kuqi, e figura tjera nga kultura, arti e sporti.

Kapiteni i Zvicrës, Granit Xhaka u është drejtuar popullit shqiptar me një shkrim emocionues në Instagram.

Prishtinasi ka thënë se kishte lot gëzimi nga përkrahja dhe dashuria e madhe që i japin bashkëvendësit e tij.

“Mbrëmë me Milotin e Dardanëve ishim për ti nderuar të gjithë shqiptarët tanë që asnjëherë nuk na lan vetëm por na përkrahën dhe kjo përkrahje u konfirmua”.

“Ndeshja në stadiumin “Fadil Vokrri” kishte emocione, pranoj se jam mbushur me lot nga gëzimi nga përkrahja dhe dashuria që marr nga ju”.

“Unë, ku do që shkoj jam me ju dhe për ju. Kështu do të jetë gjithmonë”, ka shkruar Xhaka.

Të ardhurat nga kjo ndeshje kanë shkuar për bamirësi, ndërsa takimi përfundoi me rezultat të barabartë 4:4. /Telegrafi/

View this post on Instagram

Mbrëm me Milotin e Dardanëve ishim për ti nderuar të gjithë shqiptarët tanë që asnjëherë nuk na lan vetëm por na përkahën dhe kjo përkrahje u konfirmua. Ndeshja në stadiumin “Fadil Vokrri” kishte emocione, pranoj se jam mbushur me lot nga gëzimi nga përkrahja dhe dashnia që marr nga ju. Unë, ku do që shkoj jam me ju dhe për ju. Kështu do të jetë gjithmonë.

A post shared by Granit Xhaka (@granitxhaka) on Jun 17, 2019 at 1:08am PDT