Xhaka: Ndeshja e 100-të nuk ka mundur të jetë më e veçantë, Kosova ka ekip shumë të mirë

Kapiteni i Zvicrës, Granit Xhaka ka folur pas ndeshjes, duke thënë se Kosova luajti mirë në barazimin 1-1, por sipas tij të dy ekipet kanë mundur të japin më shumë.

Xhaka zhvilloi sot ndeshjen e 100-të në karrierë dhe nuk e priti mirë vendimin e përzgjedhësit Murat Yakin në minutën e 63-të.

Ai tutje shtoi se ndeshje ishte me plot emocione, si për shqiptarët e Zvicrës, po ashtu edhe për lojtarët e Kosovës që janë rritur në Zurich.

“Jo nuk ka pasur shansa që të jetë më e veçantë ndeshja ime e 100-të me Zvicrën, pasi luajta kundër Kosovës, vendlindjes time që e dua shumë”.

“Ishte një ndeshje e mirë, ku dy ekipet treguam lojë të mirë, por nuk shfaqëm më të mirën si Kosova ashtu edhe ne”.

“Kosova është një ekip shumë i mirë, me lojtarë individual cilësor. Po forcohet si ekip me lojtarë të rinj dhe besoj se ka një të ardhme të ndritur”.

“Nuk mendoj se vetëm ne kishim emocione, por edhe lojtarët e Kosovës që janë rritur në Zvicër. Në përgjithësi ishte një ndeshje emocionale për të gjithë”.

💯x 🇨🇭

Glückwunsch, félicitations, congratulazioni, Capitano!#natimiteuch #lanatiavecvous #lanaticonvoi #GX10 #xhakaboom pic.twitter.com/RqvF8joblV

— 🇨🇭 Nati (@nati_sfv_asf) March 29, 2022

“Kam vendosur herët të luaj për Zvicrën dhe nuk kam pasur shanse më vonë ta ndërrojë vendimin”, ka thënë Xhaka. /Telegrafi/