Xavi e di se fitorja ndaj Atletico Madridit nuk ishte shumë e merituar

Trajneri i Barcelonës, Xavi përshëndeti cilësitë luftarake të lojtarëve të tij teksa ata morën një fitore 1-0 në udhëtim te Atletico Madridi.

Fitorja në kryeqytetin spanjoll e çon skuadrën katalunase tri pikë përpara në krye të tabelës, pasi vulosi një fitore të parë në ligë me Atletico që nga viti 2019.

Gara ishte një ndeshje tipike e dobët në Estadio Metropolitano me golin e pjesës së parë të Ousmane Dembeles që përfundimisht siguroi një fitore për mysafirët në Madrid.

Megjithatë, ndeshja u bë e shëmtuar në minutat e fundit, pasi Stefan Savic dhe Ferran Torres u përjashtuan të dy për një përleshje, me Barcelonën që po mbahej.

Xavi pranoi se performanca e Barcelonës nuk ishte në nivelin më të mirë të lojës së lirë, por guximi i treguar nga lojtarët e tij ishte vendimtar, pasi Ronald Araujo ia mohoi Antoine Griezmannit golin në minutat shtesë.

“Gjysmë ora e parë më bindi se e kishim lojën nën kontroll. Këto janë tri pika të artaka thënë Xavi pas ndeshjes.

“Na kanë shtrydhur dhe ne kemi vuajtur për të mbajtur portën e pastër. Sot pa luajtur aq mirë morëm tri pikë”.

Ndeshja e ardhshme për Barcelonën është një përballje në Superkupën e Spanjës kundër Real Betis në Riad më 12 janar. /Telegrafi/