Xavi ankohet për ‘gabimin fëmijëror’ në barazimin ndaj Mallorcas

Barcelona ende nuk ka humbur në La Liga këtë sezon, por seria e tyre prej gjashtë ndeshjesh fituese përfundoi të martën në mbrëmje, pasi barazuan 2-2 me Mallorca në Son Moix.

Nikoqirët kryesuan dy herë përmes Vedat Muriqit dhe Abdon Prats, por Barcelona barazoi në të dyja rastet me anë të Raphinha dhe Fermin Lopez, i cili shënoi golin e tij të parë konkurrues për ekipin e parë.

Ishte një mbrëmje frustruese për Barcelonën dhe trajneri Xavi Hernandez tha për mediat pas ndeshjes se ishte një ndeshje që skuadra e tij duhet ta kishte fituar. Ai ndjeu se skuadra e tij bëri shumë gabime gjatë 90 minutave.

Lexo po ashtu Mallorca ndal me barazim Barcelonën, Muriqi protagonisti kryesor

“Është një pikë e pamjaftueshme, dhe kjo është për shkak të gabimeve tona. Goli i dytë që ata shënuan ishte një gabim fëmijëror”, ka thënë Xavi pas ndeshjes.

Xavi sigurisht që ka arsye për të qenë i zemëruar. Goli i parë i Mallorca erdhi nga një tollovi në mbrojtje, ndërsa i dyti erdhi nga një top i gjatë që u përfundua me sukses nga Prats.

Barcelona do të shpresojë të rikthehet shpejt. Ata përballen me Sevillan në stadiumin Olimpik të premten, edhe pse andaluzianët do të shkojnë në atë ndeshje me besim të lartë pas një fitoreje të shkëlqyer të martën. /Telegrafi/