Wilder thotë se mezi pret rimeçin: E keni parë Furyn më të mirë, por akoma nuk më keni parë mua

Deontay Wilder ka konfirmuar se e ka në plan të ndeshet sërish me Tyson Furyn pas barazimit kundërthënës në Los Angeles të Shteteve të Bashkuara të Amerikës.

Britaniku i dominoi raundet më Staples Center, mirëpo nuk arriti të shpallej fitues, pasi amerikani e rrëzoi dy herë dhe në këtë mënyrë e mbrojti titullin WBC.

Pas meçit të dy boksierët shprehën dëshirën për t’u ndeshur, ndërsa kjo gjë tashmë është konfirmuar nga ‘Bomberi i bronztë’.

“Gjyqtari Jack Reiss është një gjyqtar i mrekullueshëm, me të cilin e kam pasur rastin të punoj në disa raste dhe ka bërë punë të shkëlqyer. Dhe në fund të fundit, fiton boksi”.

Lexo po ashtu Lajmet për WILDER

“Tifozët janë fituesi i vërtetë dhe mezi pres duelin ‘Wilder-Fury 2’. Për t’u dhënë funt fjalëve kundërthënëse njëherë e përgjithmonë!”, ka shkruar 33-vjeçari në Instagram.

https://www.instagram.com/p/Bq8S1m8g79l/

Pos raundit në të nëntë dhe të 12, britaniku bëri një punë të shkëlqyer duke iu shmangur goditjeve të fuqishme të amerikanit, ndërkohë që merrte vazhdimisht pikë.

Ashtu që performanca e Furyt i ka lënë përshtypje edhe kampionit në fuqi të WBC-së.

“Nuk mora asgjë nga ky meç, por ne e fituam këtë duel. Ju e patë Furyn më të mirë, por jo edhe Wilderin më të mirë, por megjithatë unë ia dola ta kryej punën”, ka theksuar boksieri nga Alabama. /Telegrafi/