Vriten të paktën 90 civilë nga përleshjet në Mosul

Të paktën 90 civilë u vranë në përleshjet e fundit ndërmjet forcave irakiane dhe pjesëtarëve të organizatës terroriste ISIS në sulmet në një pjesë të Mosulit.

Oficeri i ushtrisë irakiane në kushte anonime për Anadolu Agency ka thënë se civilët ndodheshin “në mes dy zjarresh” gjatë operacionit të forcave irakiane për çlirimin e qarkut perëndimor të Mosulit Al-Thawra

“Një numër i madh i trupave të viktimave civile vazhdon të jetë nën rrënojat e shkatërruara të të paktën 30 ndërtesave”, tha oficeri.

Duke akuzuar komandën e forcave irakiane se në këmbënguljen për operacione nuk kujdeset mjaftueshëm për civilët të cilët janë në territorin nën kontrollin e terroristëve të ISIS-it, ai tha se terroristët po përdorin civilët si mburojë njerëzore në luftime.

Terroristët e ISIS-it që nga vera e vitit 2014, mbajnë nën kontrolli qytetin e dytë më të madh irakian të Mosulit. Pas tre muaj të operacioneve të kombinuara të forcave të bashkuara irakiane të mbështetur nga koalicioni ndërkombëtar, në janar janë çliruar pjesët lindore të Mosulit, kurse më 19 shkurt filluan operacionet për çlirimin edhe të qendrës së qytetit e cila është e vendosur në bregun perëndimorë të lumit Tigër.

Mosuli në Irak dhe Raka në Siri janë të njohura si dy bastionet më të mëdha të terroristëve të DEASH-it, raporton Anadolu Agency.