Lajme Kosovë

Von der Leyen bisedon me Vuçiqin për rolin e Serbisë në uljen e tensioneve në veri të Kosovës

Para 2 vitesh

Presidentja e Komisionit Evropian, Ursula von der Leyen, ka zhvilluar sot një bisedë telefonike me presidentin serb, Aleksandar Vuçiq, me të cilin ka folur për rolin e Serbisë në uljen e tensioneve në veri të Kosovës.

Pas bisedës që zhvilloi sot, përmes telefonit me kryeministrin e Kosovës, Albin Kurti, presidentja e KE-së, Von der Leyen, ka biseduar edhe me presidentin serb, Aleksandar Vuçiq.

“Sot bisedova me presidentin Aleksandar Vuçiq për rolin e Serbisë në uljen e tensioneve në veri të Kosovës”, ka shkruar Von der Leyen në Twitter, transmeton Telegrafi.

Më tej ajo ka bërë të ditur se presidentit serb i ka kërkuar “të bëjë të gjitha përpjekjet për të mbështetur kthimin në dialogun e lehtësuar nga BE-ja për normalizimin e marrëdhënieve ndërmjet Serbisë dhe Kosovës”.

Spoke with President @avucic today about Serbia’s role in deescalating the tensions in the north of Kosovo.

I asked him to make all efforts to support the return to EU facilitated dialogue on normalisation of relations between Serbia and Kosovo.

— Ursula von der Leyen (@vonderleyen) June 27, 2023

Edhe presidenti i Serbisë, Aleksandar Vuçiq, ka konfirmuar me Presidenten e Komisionit Evropian, Ursula von der Leyen, ka për situatën në Kosovë, veçanërisht në veri të Kosovës.

Presidentja Von der Leyen shprehu shqetësimin e saj për situatën aktuale dhe kërkoi nga unë që të bëj gjithçka për de-përshkallëzimit”, ka shkruar Vuçiq në Instagram.

Paraprakisht, presidentja e Komisionit Evropian, Ursula von der Leyen, ka biseduar të martën me kryeministrin e Kosovës, Albin Kurti, për nevojën e uljes së tensioneve në veri.

Ai ka shtuar se bashkëbiseduesen e ka njoftuar “për qëndrimet e serbëve në veri të Kosovës dhe kërkesat për respektimin e të drejtave të tyre, të cilat kërcënohen çdo ditë”.

Përmes një postimi në Twitter, ajo ka përmendur edhe nevojën e rikthimit të Kosovës dhe Serbisë në dialogun e ndërmjetësuar nga Bashkimi Evropian, për normalizim të marrëdhënieve.

Ndërkaq, kryeministri i Kosovës, Albin Kurti, ka thënë se gjatë bisedës me zyrtaren evropiane ka shprehur gatishmërinë për zvogëlimin e pranisë së policisë së Kosovës në ndërtesat komunale në veri “gradualisht e në proporcion me vendosjen e rendit dhe ligjit, gjë që njëkohësisht do të mundësonte fushatë të hapur dhe fer para zgjedhjeve të parakohshme demokratike në këto komuna”.

Tensionet në veri të Kosovës janë rritur prej 26 majit, kur kryetarët e rinj shqiptarë të komunave në veri – të banuara me shumicë serbe – kanë hyrë në ndërtesat komunale të Zveçanit, Leposaviqit dhe Zubin Potokut.

Serbët lokalë të cilët i kanë bojkotuar zgjedhjet, ka kundërshtuar veprimin e kryetarëve dhe ka mbajtur vazhdimisht protesta para ndërtesave.

Këto protesta eskaluan në dhunë, ku grupe të ndryshme kriminale sulmuan fizikisht pjesëtarët e KFOR-it, Policinë e Kosovës dhe gazetarët.

Komuniteti ndërkombëtar ka kërkuar nga Kosova dhe Serbisë që t’i ulin urgjentisht tensionet dhe që Prishtina t’i organizojë zgjedhjet e reja.

Çështja e tensioneve në Kosovë do të jetë temë diskutimi edhe në takimet e shefave të shteteve të BE-së, të enjten dhe të premten në Bruksel. /Telegrafi/