Vjen reagimi i Pep Guardiolës pas fitores së parë të Man Cityt pas pesë ndeshjeve

Manchester City ka shënuar fitore me rezultat 2-0 në udhëtim ndaj Leicester Cityt në kuadër të javës së 19-të në elitën e futbollit anglez.   

Me të përfunduar kjo ndeshje erdhi edhe reagimi i Pep Guardiolës i cili tha se ky triumf ishte më se i nevojshëm për të dhe skuadrën e tij. 

“Do të thosha se kishim nevojë për të, që të gjithë ne. Nuk ishte paraqitja ideale, por në këto momente është pothuajse e pamundur”. 

“Është e rëndësishme të fitosh këtu, ne gjithmonë kemi pasur vështirësi. Ne nuk kemi mjaftueshëm energji për të mbajtur lojën tonë për 90 minuta”. 

 “Shpresoj që ky rezultat, në vitin e ri, do na ndihmojë të rikthehemi nga rezultatet e këqija dhe lojtarët tanë do të rikthehen”, ka thënë Guardiola. 

“Nuk është e këndshme, por është një lehtësim tani. Kjo është fjala e vërtetë për ta shprehur ndjenjën që kemi brenda të gjithë ne”. 

Lexo po ashtu Në Etihad Stadium kundër Cityt, Rrudhani tregon lojtarin më të mirë që ka parë: Me një pasim i largonte pesë lojtarë nga loja

“Duket sikur kemi bërë gjëra të jashtëzakonshme për shumë vite dhe tani nuk jemi në gjendje të fitojmë ndeshjet. Është thjesht një lehtësim, por ne duhet të përmirësohemi”, përfundoi ai. 

Man City nuk kishte fituar një ndeshje si mysafir në tetë ndeshjet e fundit dhe kishte vetëm një fitore në 13 ndeshje në të gjitha garat para triumfit ndaj Leicester./Telegrafi/