U vjen fundi problemeve, KF Rahoveci me kryesi të re

Dje u raportua për gjendjen e rëndë në të cilën po kalon skuadra e futbollit e Rahovecit.

Kjo kishte shtyrë që Drejtorinë për Kulturë, Rini dhe Sport dhe kryetarin e Komunës së Rahovecit, Smajl Latifi, që të vihen në lëvizje për gjetjen e zgjidhjeve të përshtatshme për vazhdimin e papenguar të garave gjatë sezonit pranveror.

Në takimin e sotëm të ish futbollistëve, dashamirësve të KF Rahovecit dhe punëtorëve sportiv, e ku mori pjesë edhe kryetari i komunës, Latifi, u zgjodh kryetari i ri i KF Rahoveci, Gazmend Daka.

Në diskutimet e të pranishmëve u ra në ujdi që të bëhen përpjekje maksimale për tejkalimin e gjendjes së vështirë në këtë klub me traditë më të gjatë se tetë dekada.

Në diskutimet e të pranishmëve u shpreh qartë l lidhja emocionale që dashamirësit e futbollit në Rahovec kanë për këtë klub. Duke shprehur bindjen se kryetari i ri Gazmend Daka do të arrijë ta konsolidojë kryesinë dhe ta çojë drejt sukseseve këtë klub, kryetari i komunës Smajl Latifi siguroi se “mbështetja e institucionit të Komunës nuk do të mungojë, duke synuar ofrimin e kënaqësisë për tifozët e flaktë “Vreshtarët” të KF Rahoveci”. /Telegrafi/