Villarreali konfirmon uljen e pagave prej 20 për qind nëse anulohet sezoni në La Liga

Skuadra e La Ligës, Villarreali, ka konfirmuar që skuadra e tyre e parë do të marrë një ulje të pagave prej 20 për qind, nëse sezoni 2019-20 anulohet.

Klubi spanjoll ka qenë në negociata me lojtarët e ekipit të parë ditëve të fundit për të krijuar një plan financiar nëse sezoni do të anulohet shkaku i coronavirusit.

Sipas gazetës spanjolle Marca, tani është arritur një marrëveshje midis të dy palëve.

Lexo po ashtu Lojtarët e Real Madridi bien dakord që të ulin pagat, klubi i falënderon

Klubi ka konfirmuar se nuk do të bëjë kërkesë në ERTE, një skemë që siguron mbështetje financiare nga qeveria për punonjësit e klubit përkohësisht gjatë pandemisë.

Barcelona dhe Atletico Madridi të dy klubet kanë aplikuar për këtë skemë, me lojtarët gjithashtu që dhurojnë para për të mbështetur pagat e stafit që nuk luajnë.

Lexo po ashtu Kur mund të rikthehet futbolli përsëri? Këtu janë datat e pesë kampionateve kryesore në Evropë

La Liga aktualisht është pezulluar pafundësisht si pjesë e një mbylljeje të përgjithshme të futbollit në të gjithë Evropën, ndërsa Villarreali renditet i teti në tabelë.

Presidenti i ligës, Javier Tebas ka deklaruar se liga po punon për një datë rikthimi, u fundi i majit dhe fillimi i qershorit po konsiderohen. /Telegrafi/