Video shokuese tregon një grua duke vrapuar dhe duke thyer xhamin e përparmë të veturës së një influencueses së rrjeteve sociale

Një video ka kapur momentin e frikshëm kur dy gra kanë vrapuar drejt një veture, me njërën që hudhet në xhamin e përparmë dhe e then atë, gjatë një incidenti në Zelandën e Re.

Bëhet e ditur se pamjet janë regjistruar nga influencuesja e rrjeteve sociale Chantelle Baker.

Baker raportoi se ishte dëshmitare e një përplasjeje veturash.

“Ato filluan të më bërtisnin nga vetura e tyre, duke u përpjekur të më tregonin dhe të përdornin duart për të më thënë të tërhiqesha që të mund të kalonin”, tha ajo në një video të postuar në Instagram.

Baker më pas tha se i vuri re në një rrugë anësore disa minuta më vonë dhe i ndoqi për të marrë targat e tyre, përcjell Telegrafi.

Ajo tha se ato u tërhoqën në një zonë pranë stacionit të vjetër të policisë ku filluan pamjet.

Në video, dy gra dalin nga Mazda dhe vrapojnë drejt veturës që po drejtonte zonja Baker, të cilën ajo tha se ishte huazuar.

View this post on Instagram

A post shared by Chantelle Baker (@chantellebakernz)

Njëra nga gratë vrapon lart te xhami i përparmë, duke thyer xhamin.

E njëjta i afrohet derës së shoferit dhe i thotë Baker “të largohet”.

Videoja është bërë virale në rrjetet sociale, me miliona shikime në Instagram.

Policia e Zelandës së Re tha se është në dijeni të incidentit dhe se është në fazat e hershme të hetimit. /Telegrafi/