Vice Zaev: Asnjë nga familja ime nuk është i përfshirë në rastin “Haraçi”

Vëllai i liderit të LSDM-së, Zoran Zaev dërgoi një letër deri tek opinioni në të cilën mohon lidhjen e tij me rastin “Haraçi”.

“Pas shumë lajmeve të rreme për mua dhe familjen time, të cilat publikohen çdo ditë nga OBRM-PDUKM në fushatën zgjedhore për të diskredituar vëllain tim dhe familjen tonë, unë jam i detyruar t’i drejtohem publikut.

Si shumica e qytetarëve tanë, edhe familja ime dhe unë kemi qenë nën presion, kërcënime dhe shantazhe për 11 vjet gjatë regjimit, ndërsa si shumë qytetarë të tjerë të lirë, ne kemi qenë të ekspozuar ndaj propagandës së zezë përmes mediave të cilat kontrolloheshin nga Nikolla Gruevski.

Këto ditë ne jemi kujtuar për disa nga këto metoda të regjimit, ne kemi parë mbetjet e një shteti të kapur përsëri duke kryer fushata të zeza. Sulmet me lajme të rreme dhe ndërtime që intensifikohen kundër meje personalisht dhe familjes time janë intensifikuar përmes mediave dhe përmes opozitës së OBRM-PDUKM-së, e kontrolluar nga Gruevski.

Unë i mohoj publikisht të gjitha këto trillime dhe ndërtime. As unë, Vice Zaev, dhe as ndonjë anëtar i familjes sime nuk ka ndonjë lidhje me rastin e njohur në publik si “Haraçi” dhe as me gënjeshtrat në konferencën për shtyp të OBRM-PDUKM-së”, thuhet në letrën e Vice Zaevit.

Ai në letër shkruan se është gënjeshtër se është takuar me të dyshuarit, se është ulur me ta, dhe se ka inçizime, Vice shton se, këto janë të pavërteta./Telegrafi/