Rivalët e kampionatit të Formula 1, Sebastian Vettel dhe Leëis Hamilton, kanë pasur një kontakt në fillim të garës për Çmimin e Madh të Meksikës.
Që në kthesën e dytë të xhiros së parë, piloti gjerman është përplasur në bolidin e rivalit të tij britanik.
(Getty Images)
“A më goditi me qëllim?”, ishte ankesa e Hamiltonit tek ekipi i tij i Mercedesit, pas përplasjes.
Incidenti ka ndodhur pikërisht në ditën kur britaniku mund të bëhet kampion bote në Formula 1 për të katërtën herë në karrierë.
(Twitter/Mercedes)
Vettel duhet të fitojë me më shumë se 17 pikë kundrejt Hamiltonit për t’i mbajtur gjallë shpresat për titull.
Pilotit britanik i mjafton vendi i katërt që të shpallet kampion i këtij sezoni në Formula 1.
(Getty Images)
Rivaliteti mes pilotit të Ferrarit dhe atij të Mercedesit gjatë këtij viti ka qenë shumë më i madh se zakonisht.
Ata patën një incident edhe gjatë garës për Çmimin e Madh të Azerbajxhanit. /Telegrafi/
