Gjendet pa shenja jete një 28 vjeçar te stacioni i trenit në Fushë Kosovë, dyshohet se kreu vetëvrasje

Një 28 vjeçar me inicialet A.T, dyshohet se ka vrarë veten në parking të stacionit të trenit në Fushë Kosovë.

Lajmin për Telegrafin e ka konfirmuar zëdhënësja e policisë, Flora Ahmeti.

Ahmeti ka thënë se policia është duke e hetuar rastin si “vdekje e dyshimtë”, përkundër që ka elemente që sugjerojnë për një vetëvrasje të mundshme.

“Sot rreth orës 01:00, në stacionin policor të Fushë Kosovës është hap një rast vdekje e dyshimtë. Rasti ka ndodhë mbrëmë rreth orës 23:30, në parking të stacionit të trenit në Fushë Kosovë.

Mbështetur në të dhënat fillestare të këqyrjes së vendit të ngjarjes përkundër që ka elemente që sugjerojnë për një vetëvrasje të mundshme, policia me kujdes të shtuar po heton rastin si vdekje të dyshimtë dhe po ndërmerr të gjitha veprimet e duhura hetimore dhe ato forenzike – te ekzaminimit që do ti ndihmonin hetimit të ngjarjes dhe sqarimit e ndriçimit të plotë të rastit.

Trupi i pajetë i viktimës A.T (mashkull) 28 vjeç, është dërguar për obduksion në Institutin e Mjekësisë Ligjore”, ka thënë Ahmeti. /Telegrafi/