Vetëvendosje refuzon propozimin e LDK-së për kryeparlamentarin

Dy deputetët e Vetëvendosjes, Albulena Haxhiu e Liburn Aliu, e kanë quajtur tallje propozimin e fundit të LDK-së që kjo parti të marrë kryeparlamentarin deri në kohën kur të zgjidhet presidenti i ri.

Sipas tyre, ky është propozim i dëmshëm. Ata kanë thënë se nuk mund të shkarkohet Glauk Konjufca i VV-së nga posti i kryeparlamentarit “sepse ai ka marrë votat e deputetëve”.

Lexo po ashtu LDK kthehet te propozimi i vjetër, i kërkon LVV-së pozitën e presidentit, kryetarit të Kuvendit dhe pesë ministri

“Meqenëse kemi mbërri këtu ku s’kemi dëshiruar, pas gjithë përpjekjeve që të bëjmë marrëveshje për kryeparlamentar e s’kemi arritur e u votua me votat e deputetëve e s’do të ishte mirë që dy persona të ulen e të shkarkojnë një person që ka marrë votat, do të ishte e dëmshme të bëjmë shkelje, një tërheqje. Po ulen dy përfaqësues, kryetarë partish për të shkarkuar një person të votuar”, ka thënë Aliu në Rubikon të KTV-së. “Andaj po bëjmë propozim të dëmshëm. Po marrim vet përgjegjësinë, po e rrisim numrin e ministrive në 14. Më e rëndë është çështja e kthimit të votës së deputetëve sesa ndryshimi i atij vendimit për 12 ministri”.

Lexo po ashtu Abdixhiku: Nëse LVV refuzon ofertën, humb shansin e kryeministrit dhe humb partneritetin e LDK-së                                                        

“Ofertën e bëmë publike pasi Veliu tha se është joserioze. Pastaj edhe këta e bënë publike ofertën e datës 8 janar. Sipas kësaj oferte kërkohet nga VV-ja të tërheqë kryeparlamentarin dhe pas dy vitesh kur të zgjidhet presidenti, të kemi kthimin e kryeparlamentarit. Kjo i bie që të kërkojmë dorëheqjen e Konjufcës. Vendimi i tillë i prapakthimit pas gjithë atyre përpjekjeve është me kosto të madhe edhe për VV-në edhe për Konjufcën edhe për personalitetin e tij e të Kurtit e të zotit Mustafa, të cilët në mënyrë arbitrare shkarkojnë një person si vendim të parë demokratik pasi të bëjnë qeverinë. Le të bëhet inicim për shkarkimin e tij është diçka tjetër. Do të mund të dorëhiqej nëse bën vepër të rëndë. S’mund të përgjigjemi me po ose jo. Nëse kërkohet që dy persona të ulen sikur dy diktatorë që një vendim të Kuvendit, vendimin e parë të Kuvendit, ta shkarkojnë kështu, është fyerje edhe për institucionin. Andaj një gjë e tillë është e papranueshme për VV-në e andaj ishte një propozim i tillë që të mos bëhet e për të përballur këtë jemi të gatshëm të rrisim qeverinë, për hir që të mos bëhet ajo”, ka shtuar Aliu.