Vetëm prekja e rrobave të një duhanpirësi për një periudhë të gjatë mund të rrisë rrezikun e kancerit, paralajmëron studimi

Rreziqet e pirjes së duhanit të dorës së dytë janë të njohura për dekada, por tani shkencëtarët po paralajmërojnë për një kërcënim të ri – tymin e dorës së tretë.

Një studim në SHBA zbuloi se vetëm përdorimi i veshjeve të një duhanpirësi është i mjaftueshëm për t’i ekspozuar njerëzit ndaj niveleve të rrezikshme të kimikateve që shkaktojnë kancer.

Tymi i dorës së dytë është kur tymrat e nxjerra nga një cigare thithen nga dikush tjetër, shkruan DailyMail.

Tymi i tretë formohet kur grimcat nga një cigare depërtojnë në materiale si flokë, rroba, mobilje dhe qilima. Studiuesit qeveritarë në laboratorin Berkeley në Kaliforni kryen një sërë eksperimentesh mbi njerëzit dhe minjtë.

Lexo po ashtu A e dini se për çfarë shërbejnë vrimat në filtrat e cigareve?

Në një studim, tre vullnetarë që nuk pinin duhan iu kërkua të mbanin rrobat e një përdoruesi të rëndë të cigareve për tre orë. Testet treguan se ata kishin nivele deri në 86 herë më të larta të përbërjeve toksike të njohura si NNK dhe NNN në urinën e tyre pas eksperimentit.

Në një studim tjetër, studiuesit ekspozuan të njëjtat kancerogjene në indet e mushkërive të njeriut dhe treguan se ato mund të shkaktojnë dëmtim të ADN-së – që është një nga shkaktarët e kancerit.

Lexo po ashtu Shkencëtarët kanë zbuluar: Përse disa duhanpirës arrijnë moshën njëqindvjeçare!

Pirja e duhanit të dorës së dytë mendohet se rrit rrezikun e kancerit të mushkërive tek jo-duhanpirësit me 20 deri në 30 për qind, sipas një raporti të Kirurgut të Përgjithshëm të SHBA në 2006.

Por më pak dihet për rreziqet e tymit të dorës së tretë, me më pak studime të kryera në këtë zonë. /Telegrafi/