Vetëm një klub ka bërë deri më tani ofertë zyrtare për Ronaldon

Skuadra e Arabisë Saudite, Al Hilal, mbetet klubi i vetëm që ka bërë një ofertë zyrtare për Cristiano Ronaldon këtë verë, përpara mbylljes së afatit kalimtar të enjten. 

E ardhmja e portugezit ka dominuar verën e Manchester United me superyllin duke mos e fshehur dëshirën e tij për t’u larguar nga “Old Trafford” për një klub të Ligës së Kampionëve, por një numër i skuadrave kanë refuzuar mundësinë për të nënshkruar me 37-vjeçarin.

Dhe The Athletic ka raportuar se Al Hilal, të cilët kanë në skuadrën e tyre ish-sulmuesin e United, Odion Ighalo, nisën një ‘ofertë të majme’ në përpjekje për të bindur Ronaldon që të kalojë në Arabinë Saudite.

Lexo po ashtu Lista e transferimeve që mund të ndodhin nga tani deri më 1 shtator

Megjithatë, klubi saudit është skuadra e vetme që bëri një qasje zyrtare për sulmuesin, pavarësisht qëndrimit të tij.

Pasi humbi turneun parasezonal të United për shkak të një ‘çështjeje familjare’, Ten Hag ngadalë ka riintegruar Ronaldon në ekip.

Ai ka bërë një start dhe tre paraqitje zëvendësuese deri më tani këtë sezon, por ende nuk ka kontribuar me një gol apo asistim, me Marcus Rashford të preferuar në sulm në dy ndeshjet e fundit.

Lexo po ashtu Mendes rikthehet te Chelsea për ta bindur Tuchelin në transferimin e Ronaldos

United i pagoi Juventusit 15 milionë euro fillestare për ta rikthyer Ronaldon në Old Trafford verën e kaluar, me lojtarin që nënshkroi një kontratë dyvjeçare me opsionin e një të treti.

Pavarësisht 24 golave ​​të shënuar nga Ronaldo në të gjitha garat, United kishte një sezon të vështirë dhe mundi të kualifikohej në Ligën e Evropës vetëm duke u renditur i gjashti në Ligën Premier. /Telegrafi/