Vendi po shkon drejt një ‘skenari më të keq’ derisa uragani Ian po intensifikohet duke shkuar drejt Floridas

Ndërsa uragani Ian intensifikohet dhe shkon drejt bregut të Gjirit të Floridës, sinoptikanët po japin alarmin për atë që mund të bëhet një stuhi e kategorisë 3 me erëra 178km/h.

Hera e fundit që një stuhi e fortë goditi Florida ishte një shekull më parë, kur një Kategori 3 erdhi në Tampa Bay, duke lënë rajonin pa energji elektrike dhe duke vrarë tetë njerëz.

Por kjo ishte kur popullsia ishte vetëm rreth 200,000 banorë, sipas Tampa Bay Times.

Gjiri Tampa, tani është shtëpia e rreth 3.2 milionë njerëzve, sipas Regjistrimit të 2020 në SHBA.

Andaj, në një skenar të rastit më të keq – një kategori 5 me erëra 252 km/h ose më të forta – ndikimet mund të jenë shkatërruese dhe të duhen vite për t’u rikuperuar.

Më e keqja, numri i të vdekurve do të arrinte shifra të ngjashme me atë të uraganit Katrina në vitin 2005, kur stuhia e kategorisë 5 vrau mbi 1800 njerëz.

Humbjet ekonomike gjithashtu do të ishin të paprecedentë me një vlerësim se bëhet fjalë për rreth 250 miliardë dollarë “humbje ekonomike të pritshme”. /Telegrafi/