Vendi, data dhe shumat e majme që do t’i fitojnë: Dalin në pah detajet për meçin Whyte – Fury

Dillian Whyte ka nënshkruar kontratën e tij për t’u përballur me Tyson Furyn – por mbetet një çështje për t’u zgjidhur përpara se lufta të zyrtarizohet.

Bruiser Brixton e vendosi stilolapsin në letër në orët e para të ditës së martë (sot).

Kontratat për Fury dhe Whyte u dorëzuan më pas në WBC për përplasjen e peshave të rënda për 23 prill, pak para afatit. Ndeshja pritet të zhvillohet në stadiumin Wembley.

Lexo po ashtu "Sikur ta ketë fituar lotarinë" - Tyson Fury thumbon keq Dillian Whyten

Megjithatë, mbetet një pengesë e rëndësishme për t’u kapërcyer dhe WBC-së i është kërkuar të zgjidhë çështjen përpara se lufta të zyrtarizohet.

Queensberry Promotions fitoi garën për të organizuar luftën me një ofertë rekord prej 36 milionë euro.

Kjo do të thotë – për shkak të ndarjes 80-20, Whyte do të marrë pagesën më të lartë në karrierë prej 6.7 milionë euro. Ndërsa, në rast se fiton, do të marrë 3.7 milionë.

Fury do të fitojë rreth 23 milionë euro për ndeshjen. Gypsy King nuk ka luftuar në Mbretërinë e Bashkuar që nga gushti i vitit 2018.

Ai aktualisht është pa një licencë të Bordit të Kontrollit të Boksit Britanik.

Por, ai do të aplikojë për leje për të luftuar si çdo boksier tjetër i huaj me licencën e Komisionit të Atletikës Shtetërore të Nevadës.

Lexo po ashtu Tyson Fury poston një video nga seanca stërvitore dhe është njëra ndër më brutalet

Whyte e la atë të priste deri vonë për të nënshkruar kontratën për luftën, pavarësisht ofertës së madhe në tryezë.

Daily Star Sport kupton se Body Snatcher po kërkonte ndryshime në kontratë gjatë fundjavës dhe gjatë të hënës. /Telegrafi/