Valve ndalon përgjithmonë nga ngjarjet e tyre dhjetë lojtarë profesionistë të Dota 2

Pak para fillimit të sezonit të ri me ngjarje të Dota 2, disa lojtarëve profesionist të Dota 2, u është ndaluar pjesëmarrja në ngjarje të organizuara nga Valve, për shkak se kanë shpërndarë llogaritë e tyre.

DPC 2023 ka nisur me kualifikime të hapura, lojtarë të ri dhe veteranë po përpiqen të arrijnë në kualifikimet e mbyllura, dhe disa po përpiqeshin të mashtronin sistemin që nga fillimi.

Më herët këtë mëngjes, kompania e video-lojërave Valve ndërmori veprime kundër 10 lojtarëve për ndarjen e llogarisë, duke përfshirë një anëtar të skuadrës së re të Virtus Pro.

Lajmi erdhi nga llogaria zyrtare e PGL në Twitter pasi organizatori ndau një listë të lojtarëve që u ndaluan nga ngjarjet e tanishme dhe të ardhshme të Valve.

Kamil “Koma” Biktimirov i Virtus Pro, Aslan “Paradise” Vadilov i NA’s Felt, Sergey “[T]SA” Timchenko i ish-B8 dhe Team Empire, Danil “iluzion” Grzhevka i Ancient Tribe dhe Viktor “SuperNova” Galichkin i HYDRA janë disa nga emrat më të njohur të cilët janë dënuar.

As a result of account sharing and impersonating members of other teams during tournament games, the following players are permanently banned by Valve:

Paradise’
Keintseru
SuperNova
Illusion
Lilskrip
Koma`
Chambl
Limtless
[T]SA
deihra

PGL will also ban these players.

— PGL (@pglesports) December 18, 2022

Përveçse nuk mund të marrin pjesë në ndonjë ngjarje të ardhshme të Valve, lojtarët në listë janë gjithashtu të ndaluar nga ngjarjet PGL.

Lojtarët u dënuan për ndarjen e llogarive dhe imitimin e lojtarëve të tjerë, që do të thotë se po përpiqeshin të ndihmonin skuadrat të kualifikoheshin duke luajtur fshehurazi për ta.

Gjithashtu, Valve e përjashtoi edhe lojtarin e Amerikës së Jugut, Gianluca “Migi” Mendoza, për trukim të ndeshjeve. /Telegrafi/