Vajzat futen lakuriq në palestrën e fitnesit me trupin e vizatuar sikur të kishin rroba sportive, habiten të pranishmit kur e kuptojnë të vërtetën (Video)

Dy vajza të reja pothuajse lakuriq kanë pikturuar trupin me qëllim që të duken kinse janë të veshura me rroba sportive, dhe më pas janë futur në një palestër fitnesi për të parë nëse ndonjëri prej anëtarëve të kësaj palestre do t’i vërente se ato janë lakuriq.

Sarah Reilly dhe Maria Luciotti që të dyja 30-vjeçare, kishin bashkuar forcat me artisten Jen Sidel për të zhvilluar një eksperiment, transmeton Telegrafi.

Pasi Sidel ua kishte pikturuar trupin dhe dukeshin se vërtetë janë të veshura, ato pa hezituar u futën në palestër për të parë nëse dikush do të vërente diçka të pazakontë tek ato.

Por, është interesant se si ato ushtronin pa ndonjë problem dhe kur i pyesnin disa meshkuj nëse po vërejnë diçka të pazakontë, ata vetëm atëherë e kuptonin se ato kishin veshur vetëm të brendshme dhe asgjë tjetër.

Madje njëri prej tyre i largon syzet dhe sërish i vë për t’u bindur se ato vërtetë janë lakuriq. Reagime të ngjashme kishin edhe disa të rinj tjetër, që mbetën te habitur me punën e shkëlqyer të artistes Sidel. /Telegrafi/