Ushtari ukrainas përdor Javelinin amerikan për ta hedhur në erë tankun rus

Parashutistët ukrainas kanë arritur të parandalojnë një sulm të rusëve në Novomykhailivka.

Trupat elitare të Brigadës së 79-të ndaluan kolonën e makinerisë luftarake të ushtarëve të Vladimir Putinit, transmeton Telegrafi.

Pamjet nga droni shfaqin të paktën tre tanke dhe mjete tjera të blinduara, që hidhen në erë derisa tentojnë të sulmojnë qytetin në rajonin e Donetskut.

Në këtë operacion janë përdorur predhat amerikane antitank Javelin, të cilat në këtë luftë janë treguar tejet të efektshme.

Lexo po ashtu Në fushëbetejë janë shfaqur motoçikletat e çuditshme të ushtrisë ruse, por as ato nuk po i ndihmojnë trupave të Putinit

Në një moment të videos së publikuar më poshtë, shihet një ushtar i cili shënjestron një tank rus dhe pasi mëson se është momenti i duhur e shkrep predhën që e godet direkt.

Nga kjo goditje tanku shkatërrohet plotësisht – ndërsa shumë mjete tjera goditen nga artileria që ishte shumë e koordinuar dhe e saktë në gjuajtje.

Novomykhailivka gjendet në perëndim të qytetit të Donetskut, ku rusët ia kanë mësyrë këtij vendi që nga dimri, por deri më tani nuk kanë arritur ta marrin nën kontroll. /Telegrafi/