Urime ditëlindjen e 60-të: Si u bë Madonna, mbretëreshë e të gjitha mbretëreshave?

“I dashur, ajo është Madonna,” tha regjisori i famshëm anglez Guy Ritchie, kur u pyet se pse e kishte lënë vajzën të argëtohej me një pop yll kundërthënës.

Kjo fjali mund të shpjegojë dhe të përcaktojë më së miri një grua që vjen nga një familje modeste dhe arrin të bëhet simbol absolut planetar – pa marrë parasysh se çfarë muzike dëgjoni.

Nuk ka ndonjë person që nuk ka dëgjuar për këngëtaren Madonna, e cila sot ka mbushur plot gjashtë dekada jetë.

Në vitin 1989 ajo pushtoi botën dhe pothuajse të gjitha koleget e saja po ndjekin hap pas hapi karrierën e këngëtares.

Madje, edhe Lady Gaga, Beyonce, Britney Spears, Rita Ora, Dua Lipa nuk e “shpikën ujin e ngrohtë”.

Lexo po ashtu Rita Ora frymëzohet nga Michael Jackson dhe Madonna

Ajo bëri gjithçka – doli e zhveshur në skenë, masturboi në publik, dashuroi gratë e të tjerëve, mbante flamujt e vendeve pritëse, flirtoi me kishën, kryqëzoi personalitete, mbështeti homoseksualët, adoptoi fëmijë nga vendet e varfra dhe shumëçka tjetër.

Gjithçka tashmë është bërë nga Madonna Luiz Chikone, fëmija i tretë i imigrantit italian, Silvio dhe kanadezes, Louise.

https://www.instagram.com/p/Bmh-2ZQA8nh/?hl=en&taken-by=madonna

Karrierën e filloi me albumin “True Blue”, i cili u bë më i shitur i një artiste femre. Kur publikoi këngën, “Like a Prayer”, arriti të bënte botën për vete.

“Unë isha një rebele. E dija se se dëshiroja të bëhesha diçka tjetër. Në shkollën fillore dhe të mesme, isha një nxënëse e shkëlqyer. Në vitin 1978 hoqa dorë nga kolegji dhe u zhvendosa në New York, shkova e vetme atje me 35 dollarë në xhep. Shita pjekurina dhe jetova në shtëpi për të pastrehë”, kishte treguar vite më parë Madonna, e cila u bë ikonë për një kohë të shkurtër.

Lexo po ashtu Madonna humb gjyqin, del në ankand letra e ndarjes që i dërgoi 2Pac

Vajzat në mbarë botën e imituan, vishnin gjithnjë e më pak rroba, ishin të lira, donin që për dashurinë të këndonte Madonna gjersa karakterizohej si “mbretëresha e blasfemisë dhe imoralitetit”.

“Papa Don’t Preach”, e cila flet për gratë të mitura shtatzëna, edhe sot është një këngë “mjaft e diskutueshme” dhe me shfaqjen në të ka thyer të gjitha tabutë rreth paraqitjeve provokuese.

Me ardhjen e mijëvjeçarit të ri, Madonna filloi të bashkohej me disa linja të tjera muzikore dhe me albumin “American Life”, kritikoi gjënë e fundit të mbetur – shoqëria amerikane.

Sot, Madonna është nëna e gjashtë fëmijëve. Ajo adoptoi katër fëmijë nga Afrika, nga dy motra binjake, Stelle dhe Estere, David dhe Mercy James.

Lexo po ashtu Për shkak të djalit futbollist u zhvendos në Portugali, tani Madonna po ankohet se për të "nuk ka jetë"

Këngëtarja 60-vjeçare aktualisht po jeton në Lisbonë të Portugalisë, ku djali i saj Rocco po krijon karrierë të futbollistit në Benfica.

Ajo është e angazhuar në punë humanitare, promovimin e llojeve të ndryshme të artit, më së shpeshti avangardë, forma të reja që theksojnë lirinë e shprehjes.

URIME ditëlindjen! /Telegrafi/

https://www.instagram.com/p/BmG9w9hghHB/?hl=en&taken-by=madonna