Unitedi regjistron interesim konkret për Kluivertin

Manchester United vazhdon ta ndjek me vëmendje talentin e madh holandez, Justin Kluivert.

Sulmuesi i talentuar holandez, djali i legjendës Patrick Kluivert, Justin, po vazhdon të mahnit me ndeshje të mira te Ajaxi.

Ndeshjet e mira, me gola dhe asistime kanë bërë që Kluivert të bëhet një emër shumë i lakuar mes skuadrave të mëdha për sezonin e ri.

Lexo po ashtu Justin Kluivert – Djaloshi i Ajaxit që dëshiron të bëhet 'mbret' në fushën e futbollit

18-vjeçari është bërë një nga talentet më të nxehtë të Evropës, duke shënuar nëntë gola në 29 ndeshje për Ajaxin këtë sezon.

Sipas mediumit britanik The Mirror, Djajtë e Kuq kanë regjistruar interesimin e tyre në nënshkrimin e sulmuesit Ajax, Kluivert.

Raporti i këtij mediumi thotë se Kluivert është gati të refuzoj një marrëveshje që do ta bëjë atë lojtarin më të paguar të Ajaxit në mënyrë që të testojë tregun këtë verë.

Lexo po ashtu Kluivert: Barcelona është ëndrra ime

Përveç Unitedit, talenti holandez i pëlqen shumë edhe gjigantit spanjoll, Barcelonës, që ndjek me vëmendje katër futbollistë të Ajaxit.

Edhe vet sulmuesi i talentuar ka deklaruar se do të ishte një ëndërr të luante për skuadrën nga Camp Nou, por vera do të definoj gjithçka rreth të ardhmes së tij. /Telegrafi/