Ukrainasit me kundërsulme në tre fronte ndaj rusëve

Ukraina po vazhdon përparimin në frontet e Bakhmutit, Donetskut dhe Zaporizhzhias.

Ushtria ukrainase janë përpjekur të shkatërrojnë forcat ruse, në vend që të rimarrin pjesë të territorit, raporton skynews.

Instituti amerikan për Studimin e Luftës (ISW) thotë se ka verifikuar raportet e forcave ukrainase që kanë zënë pozicione në Klishchiivka, rreth 5 kilometra në jugperëndim të Bakhmutit.

Lexo po ashtu SHBA me paketë të re ndihmëse prej 800 milionë dollarësh për Ukrainën

Thinktank me bazë në SHBA thotë se lëvizjet e fundit të trupave, angazhimet dhe përparimet tregojnë se Ukraina po “vazhdon përpjekjet për të degraduar gradualisht asetet logjistike ruse”.

Presidenti ukrainas, Volodymyr Zelensky kohët e fundit vuri në dukje një ngadalësim të përparimit dhe bëri thirrje për më shumë armë perëndimore – Joe Biden, presidenti i SHBA-së, pritet që sot të shpallë një paketë tjetër masive ndihme prej 800 milionë dollarë.

Ndryshe, Rusia ka nisur pushtimin e shtetit ukrainas më 24 shkurt të vitit të kaluar duke shkaktuar mijëra viktima dhe dëme të shumta materiale. /Telegrafi/