Ukraina ka nisur së fundmi testimin e pajisjeve të vogla infra të kuqe, të vendosura mbi dronë, me qëllim pengimin ose verbimin e kamerave të dronëve rusë FPV që afrohen për sulm.
Këto projektorë funksionojnë duke krijuar një dritë të fuqishme të padukshme për syrin e njeriut, por që mund të ndikojë në sensorët vizualë të dronëve kundërshtarë, duke i bërë ata të humbasin orientimin ose aftësinë për të fiksuar objektivin.
Gjatë testimeve të para, një prej përpjekjeve nuk dha rezultatin e dëshiruar, pasi projektori nuk arriti të ndikonte në kamerën e dronit rus.
Megjithatë, një provë tjetër u tregua shumë më e suksesshme.
Në këtë rast, u përdor një dron i tipit “Baba Yaga”, i njohur për madhësinë dhe fuqinë e tij, i cili arriti të krijojë mjaftueshëm ndërhyrje vizuale për të ngatërruar operatorin e një droni rus që po përpiqej të ndërhynte.
Si pasojë, droni rus humbi kontrollin e situatës, duke demonstruar se teknologjia e re ka potencial të rëndësishëm në fushën e luftës kundër dronëve.
Ky zhvillim tregon përpjekjet e vazhdueshme të Ukrainës për të gjetur mënyra inovative dhe efektive në neutralizimin e kërcënimeve ajrore të afërta, në një konflikt ku dronët po luajnë rol gjithnjë e më të madh dhe më vendimtar. /Telegrafi/
